Pamilya Revilla nagsaulog sa pagka-abswelto ni Bong

SuperBalita Cebu - - LAYSHO -

Nag-post dayon si Cavite Vice Governor Jolo Revilla sa litrato nila sa iyang daddy Bong Revilla Jr. sa social media human gi-abswelto sa Sandiganbayan gahapon ang kanhi senador sa pork-barrel scam.

“Uuwi na kami ni Papa! Kumpleto na ulit ang pamilya namin sa aming bahay. Maraming maraming salamat sa lahat ng nagdasal para sa kanyang paglaya. The truth will always prevail!” ang caption ni Jolo.

Samtang sa video sa Instagram Story ni Bryan Revilla, iyang gipangutana ang iyang daddy kon unsay gibati niini karon nga gawasnon na.

Ang tubag ni Bong: “I’m so happy. Finally it’s over. Thank you, Lord. Thank you.”

Sa laing bahin, gibutyag ni Bacoor Mayor Lani Mercado sa interbyu sa kaulohan nga halos wa katug ang iyang bana nianang Huwebes sa gabii tungod sa kahingawa.

Ang kanhi senador nga si Bong Revilla upat katuig ug lima ka buwan nga napriso sa Philippine National Police Custodial Center tungod sa kasong pagpangawkaw.

Kon nahitabo pa kunong guilty ang desisyon sa Sandiganbayan, matod ni Lani nga “bahala na ang Diyos.”

Ang giingong mastermind sa pork-barrel scam nga si Janet Lim-Napoles nahukmang guilty lakip na ang staff member ni Revilla nga si Atty. Richard Cambe. /

/ FACEBOOK

Jolo Revilla ug Bong Revilla

Newspapers in Tagalog

Newspapers from Philippines

© PressReader. All rights reserved.