Panghinaot

SuperBalita Cebu - - SUPER BIBO -

FRED NUNEZ CANETE Gabi, Cordova, Cebu

Kon ang pagsawop sa Adlaw Human sa usa ka libo ka tuig Nga molabay mao na kuno Ang pagka pulbos ning gitamdan Kong mga libro nga hinaguan Sa karaang mga alagad sa Pulong. Kaanugon! Walay molungtad Sa Panahon.

Ug kon ang mga piso sa Agila Kaniadto galumlom nag mga damgo, Karon nakabaton nag lig-ong dagang Paglupad sa kapunawpunawan.

Sila nanagsuliyaw sa katagbaw, Nagwarawara sa kalantip

Sa ilang mga espada. Mikudlit Og bulawang mga titik nga sarang Tamdan sa nanagpaingon pa sa unahan.

Hinaot pa unta nga maantigo Silang molingi sa napansil nang Mga tanaman nga maoy gipugsan Sa tanang binhi nga karon Ilang napahimuslan!

Newspapers in Tagalog

Newspapers from Philippines

© PressReader. All rights reserved.