Kampanya ni Tabal sa Milo run ipahinungod sa amahan

SuperBalita Cebu - - SPORTS -

Ipahinungod ni Cebu marathon Olympian Mary Joy Tabal ngadto sa mipanaw niya nga amahan ang iyang pagsuway’g langkat og sixpeat sa 42nd Milo National Marathon nga ipahigayon ugma sa Laoag City.

Kahinumdoman nga grabe ka emusyonal ang pagdagan sa Southeast Asian (Sea) Games gold medalist sa miaging tuig sa iyang pagsakmit sa ikalima niyang sunodsunod nga titulo sa Milo National Marathon.

Niadtong higayuna, naangkon gihapon ni Tabal ang titulo bisan midagan siya nga wala pa’y 24 oras gikan sa kamatayon sa iyang amahan.

Hinuon mihupay na ang sakit nga gibati ni Tabal ug nagpabilin na lang ang maanindot nga mga handumanan sa iyang amahan.

Sa dili pa siya molarga paingon sa Laoag City, ang pamilya ni Tabal misaulog una sa kasumaran sa kamatayon sa iyang amahan.

“It was a positive and lively anniversary. Remembering him as a father and paying thanks to him. I also asked for guidance for my coming races,” asoy sa 29 anyos nga si Tabal sa interbyu sa Sun.Star Cebu.

“The emotion will help me push more and give my best because my father will always be proud of me.”

Gipasabot ni Tabal nga andam na siyang depensaan og balik ang iyang titulo human sa grabe niyang pagpangandam.

Si Tabal maoy naggunit sa rekord sa kompetisyon nga duha ka mga oras, 47 ka mga minutos ug 44 ka mga segundos nga iyang naposte sa Iloilo City duha na ka mga tuig ang nakalabay.

Newspapers in Tagalog

Newspapers from Philippines

© PressReader. All rights reserved.