James, Anthony posibli magkauban sa Lakers

SuperBalita Cebu - - SUPER SPORTS -

Wala man tuod mihangyo si LeBron James nga kuhaon sa Los Angeles Lakers ang iyang suod nga higalang si Carmelo Anthony apan wala kini nagpasabot nga wala’y poruhan magkauban sila og duwa sa usa ka puwersa sa NBA.

Gikataho sa Athletic nga andam si James nga ikauban sa Lakers si Anthony apan nagagad ra kini sa desisyon sa management.

Si Anthony misugod sa season ubos sa kampo sa Houston Rockets apan wala ra magdugay ug nagkabuwag ang duha ka mga kampo. Sugod karong Disyembre 15, puwede nang i-trade sa Rockets si Anthony.

Basi sa taho sa Athletic, wala makigsulti si James bisan asa kanila ni team president Magic Johnson o general manager Rob Pelinka kabahin kang Anthony ug wala kini plano mobuhat sa ingon.

Gikompirmar sa ESPN nga wala mihangyo si James sa Lakers apan gitino sa four-time

MVP nga dili siya mosupak kon makadesisyon si Johnson o Pelinka nga kuhaon si Anthony.

Nagtuo si James nga makatampo og dako si Anthony sa kampanya sa Lakers nga nagka-arang-arang na sukad sa paghiabot ni James.

Ang Lakers kasamtangang naglingkod sa ikalimang dapit sa Western Conference dala ang 15-9 nga rekord.

Isip usa ka higala, gusto si James nga moretiro ang beteranong si Anthony nga makasuway og kalampusan.

Newspapers in Tagalog

Newspapers from Philippines

© PressReader. All rights reserved.