Magtiayon, anak nasikop sa raid

Nasikop ang usa ka magtiayon sa usa ka ronda sa kapulisan sa Dakbayan sa Carcar sa ilang balay sa Proper Ocaña niadtong Biyernes, Disyembre 7. Ang magtiayon giilang sila si Roel, 52, ug Suzanne Velez, 52,

apil ang ilang anak nga si Lloyd Velez,24. Nasakmit sa kapulisan nga nagdala og search warrant gikan sa korte ang 25.92 ka gramo sa gituohang shabu nga adunay gibanabanang balor nga Php 305,856 ug kwarta nga Php 157,000.

Nakuha sab ang usa ka .45 kalibre nga pistola, usa ka magazine, usa ka holster, 10 ka bala sa kalibre.45, usa ka ammo box, usa ka medium nga paketeng gisuspetsahang marijuana ug 2 ka rolled cigarette foil nga adunay pinaugang dahon sa marijuana.

Matod ni PO2 Regie Amad nga sa wa pa masikop ang mga Velez, ila kining gipanid-an tungod sa mga nadawat nila nga impormasyon gikan sa mga nagpakabanang lumulupyo sa maong lugar sa

ilegal nila nga kalihukan nga may kalabutan sa drugas. 5 NADAKPAN

Lima ka tawo nasikop samtang P1.2 milyones nga kantidad sa shabu ang nasakmit sa kapulisan atol sa buy bust operation sa Sitio Kasagingan, Brgy. Lawaan 3, dakbayan sa Talisay kagahapon sa hapon, Disyembre 8. / HBL, Kiziah Marie T. Suello & Seismundo H. Angelo Jr. USJ-R Interns