Kinsay namulitika sa budget sa Mandaue?

SuperBalita Cebu - - BALITA -

Proposed 2019 annual budget ni Mandaue City Mayor Luigi Quisumbing gilaslasan sa opposition, atol sa unang pagbasa niini atol sa ilang regular session niadtong Miyerkules sa hapon, Disyembre 5.

Kasagaran may labot sa social services ang gilaslasan.

Mokabat sa P2.4 bilyones ang giduso nga budget ni Quisumbing alang sa sunod tuig, mas ubos sa 2018 nga P2.7 bilyones.

Sa committee report nga giduso sa committee on budget and finance, gilaslasan ang gisugyot nga gahin alang sa financial assistance og P10 milyones.

Gikuhaan usab og P10 milyones ang proposed budget alang sa honorarium ug mga programa alang sa job order employees.

Mokabat usab og P20 milyones ang gilaslas gikan sa P45 milyones nga budget alang sa sunod tuig.

Ang nipirma sa committee report naglakip sa chairperson, Konsehal Nenita Layese, kinsaa wa motambong sa session ug sila si Konsehal Malcolm Sanchez, isip member sa komitiba ug Association of Barangay Councils (ABC) President Ernie Manatad, isip vice chairman.

Kon sa 2018, gigahinan ang alang sa mga job order employee og P320 milyones, ang gi-propose karon P330 milyones.

Dunay P17.5 milyones alang sa financial assistance sa 2018 budget, samtang ang giduso karon moabot sa P35 milyones.

Ug ang alang sa donations, gikan sa P22.5 milyones sa 2018, P45 milyones ang gipangayo alang sa 2019.

Si Bise-Mayor Carlo Fortuna nibutyag nga ang gilaslasan parehong importante, kay sa maong mga tabang mas mabati sa katawhan nga anaa ang gobyerno.

“That is very crucial appropriation, kay this is where the people feel nga naa gyud ang gobyerno. Since our population sa City is almost 380,000, we expect that next year the number of beneficiaries will increase, that is why we increase and these donations, part of this will be used for the adjustment for the increase of the financial assistance of the senior citizens,” pagpasabot ni Fortuna sa mga sakop sa media.

Matod ni Fortuna nga niadtong Myerkules giduso na ang ordinansa nga gipanday ni Konsehal Nilo Seno uban ni Konsehal Raul Cabahug, alang na sa pagpausbaw og P2,000 sa kasamtangan nga P6,000 nga cash gift alang sa mga senior citizen.

Masaligon si Fortuna nga mapasar kini karong’ bulana.

Dugang ni Fortuna nga diha sa mga programa sa City Social Welfare and Development nga mas gilapdan, gipaduol ug gipadali na nga ma-avail diha sa kabarangayan, sama sa Hinabang sa Edukasyon, Livelihood ug Panglawas sa tanan (HELPS), mas nidaghan ang nakapahimus na sa burial assistance, tambal, edukasyon ug bisan balayrunon sa tambalanan, nga maximum matabang moabot sa P25,000.

Pinaagi sa HELPS, gipasabot ni Jessie Perez, pangu sa CSWS, nga kon niadtong katapusan sa 2017 aduna lay dul-an sa 500 ka mga nakapahimus sa educational assistance, karon aduna nay kapin sa 1,000 ang naka-avail sa tag P3,000 nga educational assistance matag semester, junior, senior high school ug mga anaa sa kolehiyo.

Gihulagway ni Fortuna nga pamolitika ang gihimo sa opposition nga maoy majority sa konseho. Apan alang usab kang Manatad nga ang administrasyon ang namolitika.

“Kanang ila maoy klarong pamolitika, hire JO, 3,400 ka buok and counting. Asa man nila gipatrabaho, wa man tay nakita? Gipatangtang man gani amo mga JO sa barangay, wala may nipuli sa ilang mga trabaho,” pagpaklaro ni Manatad pinaagi sa text message.

Newspapers in Tagalog

Newspapers from Philippines

© PressReader. All rights reserved.