GMA ug DOH dunay bag-ong TV shows
Nakig-partner karon ang GMA News TV sa Department of Health (DOH) alang sa duha nila ka mga bag-ong programa.
Una, ang weekly show nga “Healthy Ever After” nga malampusong nag-pilot gahapon, Sabado, December 8, 5:30 p.m.
Ang maong lifestyle program gi-host sa bag-ong kasal nga Max Collins ug Pancho Magno. Gawas nga aktor, si Pancho usa usab ka registered nurse.
Samtang, si Rocco Nacino ang host sa ‘The Healthy Juan’, usa ka health talk show nga makita matag-alas 8 sa gabii sugod karong Dominggo, December 9.
Si Rocco usa usab ka nursing graduate nga motuki sa mental health, depression, suicide, healthy aging, ug organ donation. Una niyang guest si Solenn Heussaff nga mopaambit sa iyang kasinatian sa depression.