Manan-aw ta ninyo og pelikulang Pinoy

SuperBalita Cebu - - LAYSHO - AY'G SABA! / Doodz Daclan

Naay mga panahon nga naa kay bag-ong makaila o masugatang estranghero nga feeling nimo duna moy koneksyon sa past.

Mao kini ang nahitabo sa tulo ka bidang batan-ong aktres nga silang Andrea Brillantes, Kristel Fulgar ug Empress Schuck sa pelikulang “Kahit ayaw mo na”.

Salida na kini karon sa inyong mga paboritong sinehan sa direksyon ni Bona Fajardo sa Viva entertainment. Sa atong nakita sa trailer naghinilakay ang tulo ka bidang babaye nga nag-abot ug nagkaila sa usa ka dapit.

Kamo na lang ang mahibawo kon unsa gyud ang mga rason nganong nag-abot sa maong dapit ang tulo nato ka bida sa “Kahit ayaw mo na”, ay’g saba!

Silang Jessy Mendiola ug Jericho Rosales ang bida sa romantic comedy film ug opisyal nga entry sa umaabot nga MMFF 2018.

“The girl in the orange dress” istorya sa usa ka babaye nga nahigmata gikan sa usa ka wild party ug nakauban pa in bed ang usa ka celebrity, ang problema kay wala kini nahinumdoman sa nahitabo kaniya nianang gabhi-ona.

Alegre ang love story nga mahitabo nilang Jessy ug Jericho nga haum jud para nila. Sobrang excited ang Jessy ug Jericho, ug commercial ug box-office wise, confident ang duha sa ilang pelikula sa Quantum films, Star Cinema ug MJM Production sa direksyon ni Jay Abello, ay’g saba!

May lain pang duha ka pelikula nga makigtigi sa sa MMFF 2018 nga mao ang “Otlum” ug “Rainbow sunset”.

Horror ang “Otlum” nga istorya sa usa ka grupo nga managhigala Ricci Rivero, Jerome Ponce ug John Estrada nga mosulod sa usa ka haunted house. Ang “Otlum” sa Horseshoe production sa direksyon ni Joven Tan.

Ang “Rainbow sunset” usab ang balik-gay role ni Eddie Garcia nga sa iyang katiguwangon gibiyaan niya iyang asawa ug anak kay miuban sa iyang higala ug lover Tony Mabesa.

Gikan sa Likhang Silang Entertainment ug sa direksyon ni Joel Lamangan ang movie, diin makauban dinhi ni Eddie ug Tony silang Gloria Romero, Sunshine Dizon ug Tirso Cruz III, ay’g saba!

Newspapers in Tagalog

Newspapers from Philippines

© PressReader. All rights reserved.