Cebuano indie film producer gipasidunggan sa Singapore
Posibleng duna pay laing Pinoy film ang mag-world
premiere sa Singapore International Film Festival human sa horror film nga “Eerie” nga gibituonan ni Charo Santos.
Kini mao ang pelikulang “Filipino,” usa ka political thriller nga gi-produced ni Mel Allego, kinsa nagbase karon sa Sugbo.
Matod sa ABS-CBN News nga sama sa “Eerie” nga nakadaug sa miaging tuig og Cre8 Co-Production Award, ang “Filipino” gipasidunggan usab niadtong Biyernes sa Southeast Asian Film Financing (SAFF) Project Market sa Singapore Media Festival.
Ang estorya sa “Filipino” nituyok sa usa ka barangay nga gipasirad-an sa kapulisan human nga dunay niboto sa maong lugar.
Si Mel Allego giingong natawo ug nidako sa Amerika apan nibalhin og puyo sa Cebu niadtong 2012.
Ang “Filipino” ang unang proyekto ni Allego nga gitakdang i-shoot sa Cebu.
Ang Cre8 Productions ni Chan Gin Kai nipirma og 5-picture
co-production deal sa ABS-CBN Films niadtong Martes./