Pacman guwang na: Lomachenko

Gitataw ni three-division world champion Vasiliy Lomachenko nga wala siya’y ambisyon nga makig-away kang Manny Pacquiao sa ugma damlag tungod sa usa ka rason -- ‘tiguwang’ na ang Pambansang Kamao sa Pilipinas.

“There are a lot of good fighters to fight who are comparable to me,” matod pa ni Lomachenko.

“I’m not disrespecting Pacquiao. He’s old. I think his career is done. I don’t want to become a legend in boxing because of him.”

Matod ni Lomachenko nga andam siyang makigharong bisan kinsa nga dekaiidad nga mga boksidor sa tibuok kalibutan apan iyang giklaro nga wala siyay interes bisan gamay nga makigsangka sa 8-division world champion.

Apan sa dili pa maghunahuna si Lomachenko sa umaabot, kinahanglan niyang sagubangon ang iyang tahas karong adlawa batok kang Jose Pedraza sa New York nga nga usa ka unification bout.

Isugal ni Lomachenko ang iyang World Boxing Association (WBA) lightweight title alang sa World Boxing Organization (WBO) belt ni Pedraza.

“It’s the next step for my dream,” asoy ni Lomachenko. “It’s the next step for my goal, and after this fight I think my dreams come a little bit closer to me.”