GSW MIBAWOS SA MILWAUKEE

SuperBalita Cebu - - SUPER SPORTS -

Nagpauwan og 19 ka threepoint shots ang back-toback defending champion

Golden State Warriors aron lupigon ang host Milwaukee Bucks, 105-95, kagahapon sa National Basketball Association (NBA).

Parehong ningmugna og 20 puntos sila si Stephen Curry ug Klay Thompson unya pareho sab silang ningrehistro og 4-of-9 sa threepoint land aron pangulohan ang kadaugan.

Si Andre Iguodala nitampo og iyang season-high nga 15 puntos alang sa Warriors samtang nihatag og 12 puntos si Jonas Jerebko, tanan gikan sa

three-point area. Pinaagi sa ilang three-point shooting, ang Warriors nakabiya og dako sa Bucks sa 3rd quarter.

Ang Warriors, nga ningsaka sa 18-9 nga rekord, mitali og 19-of-46 o 41 percent sa threepoint area samtang ang Bucks igo kang mihimo og 7-of-39 o 18 percent lang.

“Defense hasn’t been that great, so it’s good to finally put together a game where we hold an opponent to a not so great 3-point percentage,” matod ni

Thompson. “That did feel really good, I’m not going to lie.” Ang Bucks, nga ningdakin-as

sa 16-8 nga rekord, gipangulohan ni Giannis Antetokounmpo pinaagi sa iyang 22 puntos ug 15 rebounds samtang nihatag og 15 puntos si Malcom Brogdon.

“They do a lot of things that they do to everybody -- kind of switch, muck it up, make it to where it’s not easy ... to get shots against them,” matod ni Bucks coach Mike Budeholzer.

Ang Warriors nakabawos sa dako nilang kapildihan batok sa Bucks, 134-111, sa premiro nilang duwa niadtong Nobiyembre 8 sa ilahang tugkaran. “This was a game that meant a lot to us. We were embarrassed a

few weeks ago,” matod ni Kerr. Sa laing giatangang duwa kagahapon, nagpakatap og 36 puntos si Demar DeRozan aron agakon host San Antonio Spurs sa dakong kadaugan batok sa Los Angeles Lakers, 133-120.

Ang Lakers nakaposte unta og 15 puntos nga labaw apan wala nila kapugngi ang pagsulbong sa opensa sa Spurs sa 4th quarter.

“We can’t give our foot off the gas,” asoy ni Lakers forward Kyle Kuzma.

“I think we did that a little bit in the fourth slowing down a little bit. Defensively, we obviously need to do better.”

Sama sa naandan, ang Lakers gipangulohan na sab ni LeBron James pinaagi sa iyang 35 puntos samtang niamot og 27 puntos si Kuzma.

“That group was playing well, so we left them out there and

they were wonderful,” matod ni Spurs coach Gregg Popovich.

Ang Spurs ningkatkat sa 1214 nga rekord samtang ang Lakers nahagbong sa 15-10 nga rekord.

/ AP PHOTO

■ FOUL! Natawagan og offensive foul si Milwaukee Bucks star Giannis Antetokounmpo batok kang Golden State Warriors forward Jonas Jerebko ning aktuha sa 2nd half sa duwa sa duha ka mga kampo kagahapon diin nakabawos ang Warriors batok sa Bucks, 105-95.

Newspapers in Tagalog

Newspapers from Philippines

© PressReader. All rights reserved.