Habal-habal naamong sa Angkas

Ang Land Transportation Franchising and Regulatory Board (LTFRB) namahayag nga ang tanang mga drayber sa motorsiklo nga mamasahero pagadakpon, multahan ug ang ilang motorsiklo i-impound.

Kini bisan pa kon ang maong mga motorsiklo wa malakip sa Angkas application. Sa ato pa lakip niini ang tanang drayber sa habal-habal.

Si LTFRB 7 Director Eduardo Montealto Jr. niingon nga ang mga motorsiklo nga gigamit nga depasaheroan illegal busa wa hatagig prangkisa sa gobyerno.

Matod pa ni Montealto nga ang Highway Patrol Group (HPG) sa Philippine National Police niingon nga ang mga motorsiklo mao ang nagunang hinungdan sa mga aksidente sa kadalanan, labing menos tulo kada adlaw dinhi sa Sugbo.

Ang mga motorsiklo mouliot sa taliwa sa dagkong mga sakyanan, mo- overtake wag tuo ug di magtamod sa mga lagda ug balaod sa trapiko.

Apan daghan gihapon sa mga sumasakay ang mosakay sa habal-habal aron makalikay sa kahuot sa trapiko. Mao usab kini ang gigamit sa kabukiran kay way laing kasakyan.

Tungod niini gi-tolerate lang ang mga habal-habal. Apan nganong dakpon na man ang mga drayber sa habal-habalug i-impound ang mga motorsiklo nga gigamit isip depasaheroan?

Ang Supreme Court (SC) niadtong Miyerkoles, Disyembre 12, niluwat og usa ka temporary restraining order (TRO) batok sa usa ka korte sa Mandaluyong nga nagdili sa mga tinugyanan sa gobyerno sa pagpabghilabot sa operasyon sa Angkas.

Karon mahimo nang dakpon ang mga drayber sa Angkas. Apan naamong ang mga drayber sa habal-habal.

Ang mga motorsiklo mouliot sa taliwa sa dagkong mga sakyanan, mo- overtake wag tuo ug di magtamod sa mga lagda ug balaod sa trapiko. Apan daghan gihapon sa mga sumasakay ang mosakay sa habal-habal aron makalikay sa kahuot sa trapiko. Mao usab kini ang gigamit sa kabukiran kay way laing kasakyan.”