GIPAMULTA'G P50K SI MARK
Duwa karon 7:00 pm- Alaska batok Magnolia
Nakaipsot sa suspensyon si Magnolia Ang Pambansang Manok Hotshots pointguard Mark Barroca apan gipamulta kini og P50,000 gumikan sa iyang pagpika sa bilahan ni Alaska Aces guard Chris Banchero sa Game 4 sa Philippine Basketball Association (PBA) Governor’s Cup finals series niadtong Miyerkules.
Ning maong duwa, mingdaog na sab ang Aces, 90-76, aron tablahon ang best-of-seven championship series.
Gipamulta sab sa PBA ang coach sa Alaska nga si Alex Compton gumikan sa pagsaway niini sa liga human sa insidente. Wala gibutyag kon pila ang gimulta ngadto kang Compton.
“If we’re gonna get punched multiple times and there aren’t calls or suspensions, I’ve got a problem with that,” matod pa ni Compton human sa Game 4.
“If you are not going to call that in the game, you are not going to have anything, punch in, as we say in my family to our kids, the male part. That’s literally a low blow. And I’m not happy about it one bit.”
Sa iyang bahin, si Barroca wala mohatag og komentaryo kabahin sa insidente ug wala sab kini nangayo og pasaylo dihang giinterbyu sa mga sakop sa media.
Giangkon ni PBA commissioner Willier Marcial nga migamit gyud og kumo si Barroca sa pagpika sa bilahan ni Banchero apan tungod kay wala kini matawagi og technical foul sa mga referee, hayan multa ra ang ilang masilot ngadto kang Barroca.
Ang silot sama sa gipahamtang sa PBA ngadto kag Talk N’ Text KaTropa cager Don Trollano, kinsa nasakpan nga mipika sab sa bilahan ni San Miguel Beermen forward Arwind Santos sa miaging Commissioner’s Cup.
Si Trollano gipamulta og P20,000 apan wala kini nasuspenso tungod kay wala makatawag og technical foul ang mga referee niadtong mga gutloa.
“Si Barroca kasi rineview namin ‘yung game, non-call. So non-call, tinanong ko kung may precedent, walang precedent,” pasabot ni Marcial.
“Parang nangyari ‘yan kay Trollano na sinuntok niya si Arwind Santos na hindi rin tinawagan ng referees. So sa review namin, may nakita kami na suntok. So ang hiningi namin sa kanya, P20,000 at walang suspension.”
Giklaro ni Marcial nga kon usbon pa ni Barroca ang iyang gibuhat, hayan ilaha na kining suspensuhon bisan dili pa kini matawagan og technical foul sa mga referee.
“Tinaasan ko na at winarningan ko na. Kapag inulit niya uli, F2 (flagrant foul two) o unsportsmanlike foul, sususpendehin ko siya. Walang tanong tanong… Sinabihan ko na kapag inulit nya, kahit Game Five, Game Six, automatic suspension ‘yun,” pasabot ni Marcial.
Sa laing bahin, gisuspenso sa PBA ang referee nga si Rolando Dacanay gumikan kay wala kini nakatawag og foul ngadto kang Barroca
Karong gabii, magtagbo og balik ang Aces ug Hotshots alang sa Game 5 sa championship series.