WARRIORS GILAMPORNAS SA RAPTORS
Gipanglampornas sa Toronto Raptors ang defending back-to-back champion
Golden State Warriors, 11393, kagahapon sa National Basketball Association (NBA) sa mismong balwarte niini sa Oracle Arena sa Oakland California.
Nahimo kini sa Raptors bisan wala ang usa sa ilang labing mga pambato nga si Kawhi Leonard, kinsa padayon pang nagpaalim sa iyang angol.
Nagpakatap og 23 puntos ug 12 assists si Kyle Lowry aron pangulohan ang balanseng opensa sa Raptors, nga nakapahugot sa ilang paggunit og overall leadership dala ang 23-7 nga rekord.
Nidugang og 20 puntos si Serge Ibaka, nitampo og 15 puntos si Danny Green, nihatag og 13 puntos si Pascal Siakam samtang 10 puntos ang gitunol ni Fred VanVleet alang sa Raptors.
Sa ikaduhang sunodsunod nga duwa, wala nakapakita og aksyon si Leonard alang sa Raptors gumikan kay nagpaalim pa kini sa angol sa iyang bat-ang,
Wala sab nakatiwas sa duwa ang pambatong 7-footer nga sentro sa Raptors nga si Jonas Valanciunas human napiang ang tuong kumagko niini sa
1st half pa lang.
Apan bisan pa niini, gipakita sa Raptors nga delikado gihapon ang nahabilin nilang puwersa nga nagsilbeng usa ka makuyaw nga mensahe sa tanang teams.
Ang Warriors, nga nahagbong sa 19-8 nga rekord, gipangulohan ni Kevin Durant pinaagi sa iyang 30 puntos.
Ang laing mga pambato sa Warriors nga sila si Stephen Curry ug Klay Thompson parehong bugnaw nga nakaduwa.
Si Thompson nimugna og 14 puntos samtang si Curry, kanhi back-to-back MVP, igo lang nitampo og 10 puntos nga layo ra sa naandan nilang kontribyusyon.
Ang Warriors nakadawat sab og 13 puntos gikan kang Quinn Cook.
Mao kini ang labing unang higayon nga nakaposte og kadaugan ang Raptors sa sulod sa balwarte sa Warriors gikan pa niadtong Pebrero 8, 2004 hinungdan nga grabe ka tam-is kining maong kadau- gan alang kanila.
Sa sayong bahin ning maong
season, gipukan sab sa Raptors ang Warriors pinaagi sa overtime pinaagi sa pagpangulo ni Leonard, kinsa nagpauwan og 37 puntos niadtong higayuna.
Niadtong higayuna, adunay ikarason ang Warriors tungod kay wala man sila si Curry ug Draymond Green.
Kagahapon, pareho nang nakabalik og duwa sila si Curry ug Green alang sa Warriors unya wala si Leonard alang sa Raptors.
Apan bisan pa ning tanan, nakontrolar gihapon sa Raptors ang kinatobuk-ang duwa. Sa sayong bahin sa 4th quarter, napaburot sa Raptors ang ilang labaw ngadto sa 18 puntos ug wala na sila molingi pagbalik human niini.