Mga benepisyong imong makuha gikan sa tamatis
1. Cancer
Maayong tinubdan sa vitamin C ug ubang antioxidants ang tamatis. Tungod niini ang tamatis makatabang sa pagkombate sa pagkaporma sa free radicals nga maoy hinungdan sa cancer.
Naa kini lycopene nga naila nga mosanta sa usa ka matang sa prostate cancer. 2. Blood pressure
Kon ubos kag intake sa sodium, mamintinar mo ang maayong blood pressure. Apan ang pagpaumento sa imong gikaon nga potassium sama usab ka importante kay mopalapad kini sa imong arteries.
3. Baskug nga kasingkasing Ang fiber, potassium, vitamin C ug choline nga naa sa tamatis nagsuporta alang sa himsog nga kasingkasing.
4. Diabetes
Mga pagtuon nagpakita nga ang mga tawo nga dunay type 1 diabetes nga nikaon og daghang fiber mas minos og sugar sa iyang dugo samtang kadtong dunay type 2 diabetes dunay maayong blood sugar, lipids ug insulin levels.
5. Constipation
Ang pagkaon nga dunay daghang tubig ug fiber, sama sa tamatis, motabang sa hydration ug mosuporta sa maayong pagpagawas sa hugaw. Ang tamatis gihulagway nga laxative nga prutas.
6. Tin-aw nga panan-aw
Motabang ang tamatis pagpanalipod sa mga mata gikan sa kadaut sa kahayag. Daghan og lycopene, lutein ug beta-carotene ang tamatis. Kining gamhanan nga mga antioxidants nakapakita na nga manalipod sa mga mata batok mga kadaut nga dala sa kahayag, cataract ug kadaut nga dala sa edad nga gitawag og macular degeneration.
7. Panit
Ang collagen usa ka importanteng component sa panit, buhok, mga kuko ug connective tissue. Ang paggama sa collagen nagsalig sa Vitamin C. Kon minos ka og vitamin C, grabe ang kadaut nga imong mahiaguman gikan sa silaw sa adlaw, pollution ug aso.
8. Pagmabdos
Ang igong folate mahinungdan sa pagmabdos ug human sa pagpanganak kay manalipod kini batok sa neural tube defects sa mga masuso. Girekomendar nga ang mga mabdos moinom og folic acid. Apan ang tamatis daghan niining natural nga folate.