HOTSHOTS NAGHARI

Barroca maoy Finals MVP; ika-14 titulo sa Magnolia

Gilangkat sa Magnolia Hotshot ang titulo sa 2018 PBA Governors’ Cup niadtong Miyerkules human nila yanong nadispatsar ang Alaska Aces sa Game 6, 10286, nga nagtapos sa best-ofseven finals series, 4-2. sa Ynares Center, Antipolo.

Taliwala sa malampuson nga pagputol sa kauhaw sa kampiyonato sukad niadtong 2015, nagpahipi ang ikaduhang Finals most valuable player award sa beteranong pointguard nga si Mark Barroca.

Si Barroca, kinsa mitapos sa duwa nga may 15 puntos, lima ka rebounds ug lima ka

assists, milupig sa iyang mga kauban nga sila si Ian Sangalang ug sa Best Player of the

Conference nga si Paul Lee sa maong pasidungog nga sa ikaduhang higayon iyang naangkon.

Una kini niyang naangkon sa tuig 2014 Philippine Cup diin ang makasaysayon nga prankisa sa Magnolia, ubos ni coach Tim Cone niadtong tuiga.

Gitumbok ni Barroca nga ang kadugayon sa ilang panagkuyogkuyog maoy usa sa mga rason kon nganong sinati na kaayo sila sa matag usa.

“Matagal na kam- ing magkakasama and we just

stayed together,” matod ni Barroca, usa sa pipila na lang ka mga holdovers sa Purefoods team nga naka grandslam.

Kontrobersiya maoy mihamok ni Barrocva sa maong series sa dihang gipamulta siya og P50,000 tungod sa iyang sekretong pagpika sa paa ni Alaska pointguard Chris Banchero sa Game 4.

Ang titulo maoy ika-14 nga naangkon sa Magnolia apan kini maoy una sukad nga mibiya kanila si Coach Tim Cone.

Sa kadaugan naharos sa San Miguel Corporation ang titulo sa tibuok 2018 season diin ang San Miguel maoy miangkon sa All-Filipino Conference ug ang Barangay Ginebra maoy nidominar sa Commissioner’s Cup.

Mao usb kini ang unang titulo sa import nga si Romeo Travis sa PBA human kini mapakyas niadtong 2015 Governors’ Cup ubos sa Alaska team.

Unang kampiyonato usab kini ni Magnolia coach Chito Victolero samtang nagpadayon nga wala pay naangkon nga titulo ang Alaska sa lima ka higayon nga nakataak kini sa finals ubos ni coach Alex Compton.

“I think ‘yung start ng laro na ‘to, hindi lang today nag-start ‘yun eh. Nag-start ‘yun sa four days preparation namin noong break. Nakita ko talaga sa mga players ko na they want this game. They want the championship. They are very focused doon sa preparation namin,” matod ni Victolero nga nakutloan sa Spin.ph.“In the first

three minutes, lumitaw agad ‘yung gusto namin makuha ‘yung championship. Maganda ‘yung start, na-sustain namin hanggang sa dulo.”

/ PBA IMAGES ■ BALIK-KAMPIYON: Ang kinatibuk-ang puwersa sa Magnolia Hotshots nga nagselebrar sa ilang kampiyonato human nila mapukan ang Alaska Aces sa finals series, 4-2, sa PBA Governors’ Cup didto sa Ynares Center sa Antipolo niadtong Miyerkules. Sa laing hulagway, makita si Mark Barroca sa Magnolia, kinsa maoy nahimong Finals MVP, uban sa iyang asawa nga mipadungog sa iyang hamubong mensahe ngadto sa ilang mga dumadapig.