PARKS NAGLIBOG

Nakutaw ang hunahuna ni Bobby Ray Parks Jr. kabahin sa iyang pagsulod sa Philippine Basketball Association (PBA).

Nahiluna na man tuod ang hunahuna ni Parks dihang nakadesisyon na siya nga magpa-draft sa PBA apan hangtod karon, wala pa’y klaro kon unsa nga team siya makaduwa.

Gikuha si Parks sa Blackwter Elite isip No.2 overall pick apan migawas ang taho nga mabalhin siya sa Meralco Bolts pinaagi sa usa ka trade nga maglambigit og tulo ka teams.

“Araw-araw akong tinatanong kung kelan ako magpapa-draft. Sa wakas na draft na ko,” matod ni Parks sa interbyu sa Spin.ph.

“I’m happy to start the next chapter of my life, pero gusto ko ring malaman kung saan pupunta.”

Gipasabot ni Parks nga wala pa’y bisan usa ka opisyal sa Blackwater ang nipahibalo kaniya kabahin sa trade.

“No one has reached out personally to me yet. Si boss Charlie (Dy) ang nakakaalam,” dugang ni Parks.

Si Dy, kinsa maoy manager ni Parks, nagkanayon nga wala sab siya’y kalibutan kabahin niini.

Gibutyag ni Dy nga natingala siya ning maong taho gumikan kay nakadawat na man siya og email gikan ni Blackwater manager Joel Co nga usa ka tanyag alang kang Parks.

“When I received the email, it was a 2-year contract. So nagulat ako. Sabi ko wala pa namang negotiation, ba’t may contract,” matod ni Dy.

“Sinign ko ‘yung tendered offer. Pero wala kaming alam (sa trade). Ang daming nagtatanong. Pero based on my experience, laging higher management ang nag-uusap.”

Nagkanayon si Parks nga iya lang ipadaplin kining maong isyu ug magtutok una siya sa iyang pagduwa sa Alan Pilipinas sa Asean Basketball League (ABL).