Broner grabe'g training alang ni Pacquiao

Nagtuo si African-American Adrien Broner nga mogawas ang labing maayong abilidad ni Filipino boxing icon Manny Pacquiao sa ilang panagharong karong Enero 19 sa MGM Grand Garden sa Las Vegas, USA.

Tungod niini, gidoble ni Broner ang iyang paningkamot sa training alang sa iyang tinguha nga mailog ug maangkon ang World Boxing Association (WBA) welterweight title gikan sa Pambansang Kamao sa Pilipinas.

Si Broner, kinsa kanhi 4-division world champion, nagkanayon nga mao kini ang labing dakong away sa iyang kinabuhi ug dili niya usikan kining maong kahigayunan.

“This fight is real important. This is a hell of a fight not only for me but for the sport. This is a fight that needed to happen for the sport and we are going to put on a hell of a show,” asoy ni Broner nga napatik sa GMA News.

“Honestly I thought he [Pacquiao] would be done with boxing by now but I always knew I would have a fight of this magnitude on this platform, pay-per-view and all and now I’m here.”

Gitataw ni Broner nga wala niya gihunahuna nga nakapabor siya gumikan kay edaran na si Pacquiao, ang tanan iyang buhaton aron maangkon ang kalampusan ning awaya.

“I didn’t see it but I heard he looked good. I don’t know what to expect. I’m just training for the best Pacquiao. And I’m going to go out there and do what I have to do to get the victory,” batbat ni Broner.