ESKANDALO NI TONY LABRUSCA SA NAIA
Kontrobersyal karon ang Kapamilya actor Tony Labrusca human giingong iyang gisiyagitan ug gibalikas ang mga immigration officers sa NAIA Terminal 1 niadtong Huwebes sa buntag, Enero 3.
Giingong nasuko si Labrusca kay gihatagan ra kuno siya og 30 days sa Philippine immigration aron mopuyo sa Pilipinas.
Apan ang immigration supervisor nga nahinabi sa Pep.ph nipasabot nga 30-days ra ang ilang gihatag kay “tourist” ra man kuno ang iyang status.
Ni-demanda si Tony nga hatagan siya og Balikbayan Visa, o Balikbayan Program nga dunay “1 year free visa upon arrival.”
Apan ang tubag sa immigration officer nga dili qualified si Labrusca niini kay siya rang usa nga niabot sa Pilipinas gikan sa Canada ug way kaubang ginikanan o paryente nga Pinoy.
“He is a US citizen holding of course a US passport. Not even a dual citizen,” matod sa officer.
“Ayusin na lang sana yun status niya w/ our country – that was what
I was trying to explain to him. He is after all
‘still a foreigner’ obviously working in the Philippines w/o a proper visa.”
Ang papa ni Tony nga si Boom Labrusca nangayo na og sorry sa Immigration ug gihulagway ang insidente nga misunderstanding lang.
Si Tony, kinsa anak ni Boom sa ex-girlfriend nga si Angel Jones, nidako sa U.S. ug Canada kauban ang bag-ong pamilya sa iyang mama.
Si Tony nipauli sa Pilipinas niadtong 2016 ug niapil sa reality-based singing search sa ABSCBN nga Pinoy Boyband Superstar diin siya nadiskubre. /