Affair of the heart
Gikan sa north reclamation area, nangadto mi sa uptown si Jake. Ug kay kadlawon na man, nangaon mig linat-ang baka sa usa ka restawran. Init pa kaayo ang sabaw. “Happy?”
Gikidhatan ko ang akong boyfriend.
“Very much happy. Duha ang rason kon nganong nagmalipayon kaayo ko ron. First, nakadaog ko sa car racing, and second, kauban tika sa akong kadaogan.”
Mibawos sab og kidhat si Jake nako.
Wa dayon mi mamauli pagkahuman namog pangaon. Nanuroy mi sa busay sakay sa sports car ni Jake. Hayag na sa among pag-abot sa maong lugar. Presko kaayo ang hangin. Morag nabatyagan ko ang kanindot sa lugar. Naglantaw mi sa siyudad nga maklaro gyud gikan sa among nahimutang ni Jake. Mikupot sa akong kamot ang akong bioyfriend.
“Forever na kaha ning ato?” Nakatan-aw kog dugay kang Jake. Seryuso siya. Miseryuso sab ko. Unya mibalik kog lantaw didto sa unahan.
“Maybe. Pero mahimo sab nga di. You know, only time can tell anang imong gipangutana nako. Who knows nga makakita kag laing girl nga labaw mong love kay nako.” Giagbayan ko ni Jake.
“And who knows, too, nga makakita kag laing laki nga labaw mong gimahal kay nako?”
Nagtinan-away mig dugay si Jake. Unya nangatawa mi dayon namong aper.
“Di ta na hisgotan, uy, Jake. Makapawa’a na sa atong kadasig.”
“Bitaw. Ang atong hisgotan mao ang atong relationship, ang affair sa atong heart sa usag usa sa kada higayon nga magkuyog ta.”
Unya namauli na mi si Jake. Gusto unta namo nga sa hotel mi mangatulog. Apan duna mi gikasabotan nga maglikay una mi sa tentasyon kay di mi gusto nga mahinayak unya mi ug makabuhat mi sa usa ka butang nga amo unyang basolan. Di mi gusto si Jake nga magminyo sa di hustong panahon.
Masinabuton sila si Papa ug Mama. Nakagusto man sab sila kang Jake para nako. Igo lang silang mipakibo sa ilang mga abaga dihang gisuginlan ko sila nga si Jake ang akong kauban sa tibuok gabii. Dako ang pagsalig nila ni Mama ug Papa nako, nga mag-amping ko sa akong pagka babaye sa matag higayon nga gikakuyog ko ang akong boyfriend.
(SUMPAYAN)