WARRIORS GITIPI SA 3S NI HARDEN
Nagpabuto og three-point
bomb sa nahabilinmg 2.7 segundos sa overtime ang kasamtangang MVP nga si James Harden aron pasulbungon ang Houston Rockets ngadto sa kadaugan batok sa host Golden State Warriors, 135-134, kagahapon sa National Basketball Association (NBA).
Sa return play, nakaitsa pa og three-point shot ang usa sa mga pambato sa Warriors nga si Kevin Durant sa dayong pagtingog sa final buzzer apan nasipyat.
Ning kombatiha, nagbangis na sab si Harden ug nagpakatap kini’g 44 puntos. Mao kini ang ikalimang sunodsunod nga duwa nga nakahimo siya og 40 puntos o labaw pa.
Nakapasulod og jumper si Stephen Curry aron hatagan ang Warriors og 134-132 nga labaw sa nahabiling 23.1 segundos sa duwa nga nagpaugyaw sa mga tumatan-aw sa Oracle Arena.
Apan ang palibot daw kalit lang mitak-om dihang gibawsan kini ni Harden sa iyang nakapadaog nga threepoint shot.
Gawas sa iyang opensa, si Harden nimugna sab og 15 ka
assists ug 10 rebounds aron irehistro ang iyang ikaduhang triple-double ning maong season.
Ang back-to-back champion
Warriors nakaposte unya og 20 puntos nga labaw sa sayong bahin sa 3rd quarter, 7353, apan human niini, inanay nga ninggukod ang Rockets hangtod nga nakapugos sila og overtime pinaagi sa jumpshot ni Harden sa hinapos nga bahin sa regulation period.
Ang Warriors gipangulohan ni Curry pinaagi sa iyang 35 puntos samtang ninghatag og 26 puntos matag usa sila si Durant ug Klay Thompson.
Ning sangkaa, si Durant sa iyang three-point shot sa tungatungang bahin sa 1st quarter, nahimong ika-32 ka magduduwa sa liga nga nakaabot og 22,000 puntos.
Samtang didto sa San Antonio, mikulit sa iyang unang
triple-double si DeMar DeRozan nga may 21 puntos, 14 ka
rebounds ug 11 ka assists sa dihang gisugat sa Spurs ang pagbalik ni Kawhi Leonard uban sa iyang bag-ong team Toronto Raptors og saktong dominasyon, 125-107.
Sa iyang unang duwa batok sa kanhi niya team, si Leonard kinsa napuno sa kantiyaw sa mga fans sa Spurs mipuga og 21 puntos.
Kon kahinumdoman, si Leonard, sa dihang sakop pa siya sa Spurs, midemanda sa
management nga ibalhin siya bisan pa man og way plano
team niini.
Sa matag higayon nga si makadawat sa bola, molanog gilayon ang pag-boo sa mga tawo sulod sa AT&T Center.