■ KAMPIYON:
Ang Banay Labangon sa Barangay Labangon, dakbayan sa Sugbo maoy kampiyon sa Sinulog sa Kabataan sa Dakbayan kagahapon.
Family reunion.
Kini ang mensahe sa kampiyon sa 2019 Sinulog sa Kabataan sa Dakbayan nga Banay Labangon kagahapon, Enero 13, gikan sa ika-5 nga dapit sa miaging tuig.
Nabulsa nila ang P350,000 nga ganti ug sila sab ang hari sa street dancing, P50,000.
Si Angel Manapsal, choreographer sa Banay Labangon ni Kapitan Victor Buendia, niingon nga ang panaghiusa sa pamilya ang ilang gihingusgan aron adunay kahiusahan.
Nagsunod ang Banauan Cultural Group ni Kapitan Michael Gacasan sa Guadalupe nga nidawat sa P300,000.
Ikatulo ang Pundok Dayasanon ni Kapitan Freddie Ysmas, ikaupat ang Pundok Cogonanon ni Kapitan Harry Yran, ika-5 ang Lumad Basakanon sa Basak San Nicolas ni Kapitan Norman Navarro, Barangay Inayawan ni Kapitan Kirk Bryan Repollo maoy ika-6 ug ika-7 ang Mabolo ni Kapitan Niña Mabatid.
Kompletong listahan mabasa www.sunstar.com.ph.