HVT sikop sa drug bust, P2.1 M drugs masakmit
Usa ka manindahay og utanon nga giisip nga usa ka high value target (HVT) ang nasikop sa kapulisan sa Sitio Kauswagan, Barangay Basak Pardo, dakbayan sa Sugbo kagahapon, Dominggo, Enero 13.
Ang suspetsado kinsa nasakmitan og shabu nga mokabat sa P2.1 milyones naila nga si Elvie Peter Mandreza, 31, kinsa residente ra usab sa dapit.
Pinaagi sa usa ka drug-bust bust operation, nasakmit ang druha ug nasikop si Mandreza sa alas 12:20 sa buntag kagahapon.
Nasakmit gikan kaniya ang nagkadaiyang pakete sa shabu nga aduna’y gibug-aton nga 310 gramos o nagkatidad og P2,108,000.
Si Mandreza wala malakip sa watchlist sa Police Station 7, mag-atubang og kasong kalapasan sa sections 5 ug 11 sa Republic Act 9165 o ang Comprehensive Dangerous Drugs Act.