BACKPACK IDILI GYUD SA BASILICA

Kapulisan sa syudad sa Sugbo nga nagbantay sa Basilica Minore del Santo Niño padayon nga modili sa mga tawo nga mosulod sa simbahan nga magdalag back pack bisan sa kadaghan nga reklamo nga ilang nadawat.

Awhag ni Cebu City Police Director Sr. Supt. Royina Garma sa publiko nga motuman sa patakaran nga gipatuman sa simbahan.

Giangkon ni Garma nga daghan ang reklamo nga ilang nadawat gikan sa mga tawo nga gustong mosulod sa Basilica Minore del Santo Niño nga nagdalag back packs.

Apan bisan pa niini, hugot ang kapulisan nga modili sa pagpasulod sa back pack tungod kay gipatuman nila ang hugot nga siguridad.

Nabantayan ni Garma nga daghan kaayo ang pilosupo nga mga tawo nga molalis pa sa mga pulis ug security guards bisan nga aduna nay gipatuman nga patakaran sa sulod sa simbahan.