185 ka sakyanan gi-clamp

SuperBalita Cebu - - BALITA - PHILIP A. CEROJANO / Reporter

Di momenos 185 ka mga sakyanan ang gipang-clamp sa pesonnel sa Cebu City Transportation Office (CCTO) nga giparada sa mga no-parking zone sa dakbayan sa Sugbo sugod Dominggo, Enero 13, hangtod sa Lunes sa alas 5 sa hapon, Enero 14.

Ang labing daghan nga naclamp mao ang mga sakyanan nga gi-park luyo sa Cebu Technological University (CTU) Main Campus (habig sa S. Osmeña duol sa tunnel) diin 42 ka mga sakyanan ang nakimpitan sanglit di na makaagi ang mga pedestrian sa sidewalk.

Laing hut-ong sa mga sak- yanan ang gipang-clamp habig sa Compaña Maritima nga nakababag sa pag-agi sa mga sakyanan ug mga tawo.

Si Efren Navales, supervisor sa CCTO, niingon nga sa 150 ka mga sakyanan, 115 niini ang na-clamp sa adlaw ug laing 35 ang ni-park lapas sa alas 12:01 sa tungang gabii sa nanag-unang karsada sa siyudad.

Subli nga gipahimangnoan ni Francisco Ouano, operations head sa CCTO, nga di moparada sa karsada nga wa gitugotan sa ilang buhatan sanglit makabalda kini sa bul-og sa daghang mga tawo ug sa mga sakyanan nga moagi.

Ang gidaghanon sa mga naclamp nga sakyanan mosaka pa sanglit ang maong record wa pay labot sa mga na-clamp kagahapon.

Ang ma-clamp dunay P1,500 nga multa.

Si Ouano nipasabot nga tumong sa siyudad nga mahapsay ang kasaulogan sa Fiesta Señor ug Sinulog.

Di pangwarta ang ilang tumong sukwahi sa paghulagway sa pipila.

Pinaagi sa estriktong pagpatuman sa no parking, dali ra makaagi ang mga sakyanan sa karsada ug ang mga deboto sa sidewalk hinungdan nga estrikto sila sa illegal parking.

PARKING AREA NA

Gumikan sa kadaghan sa mga sakyanan, nahukman sa CCTO nga himuong termporary parking area ang lapad nga sidewalk sa S. Osmeña avenue gikan sa dalan Palma paingon sa Plaza Independencia (ang duha ka sidewalk)

Himuon usab nga temporary parking ang walang bahin sa dalan V. Sotto gikan sa S. Osmeña paingon sa Pier 3 para pag-atiman sa dugang mga sakyanan.

Sama sa naandan, ang tagiya paninglan og tag P20 matag oras sa ilang pagparada nga gidumala sa personnel sa CCTO.

Si Navales nagkanayon nga nangita pa sila karon og karsada nga dagko og mga sidewalk aron temporary nga butangan sa sakyanan sa mga manimbahay sanglit giwagtang ang mga pay parking areas palibot sa Basilica gumikan sa nagpadayon nga novena para sa kapistahan ni Snr. Sto Niño. /

Newspapers in Tagalog

Newspapers from Philippines

© PressReader. All rights reserved.