1 KA BALAY GIPABUTHAN OG GRANADA?

Gidudahang granada ang nibuto sa GSIS Compound, F. Llamas St., Barangay Basak San Nicolas, dakbayan sa Sugbo niadtong Dominggo, Enero 13, sa alas 3:41 sa sayo sa buntag.

Nahitabo ang pagbuto sa balay ni Vincent Castrodes, 35 , sa nahisgutang lugar.

Sumala sa pipila ka sakop sa pamilyang Castrodes, wala sila nakadungog og pagbuto nianang orasa apan, usa ka duol nga silangan nila nakadungog apan nagtuong firecrakers lang busa wala kini nila tagda.

Psado alas 8:00 sa buntag sa maong adlaw, ang katabang sa pamilyang Castrodes nakakita og mga tipaka sa gituohang granada sa gate sa ilang panimalay busa ilang gi-report sa Mambaling Police Station.

Sa pagresponde sa mga pulis, ila unang gisusi ang closed-circuit televison (CCTV) camera.

Sa ilang pag-review sa CCTV footage, ilang nakita nga dunay duha ka wala mga lalaki na nagsakay og motorsiklop nga nihunong sa maong balay ug ang back-rider nga lalaki klarong nakuha sa CCTV nga dunay gilabay nga wala mailhing butang sa mismong gate ug ming agi ang pipila ka segundos nibuto kini.

Nakita sa mga pulis sa balay sa pamilyang Castrodes nga adunay gamay nga kadaut sa kisame sa ilang garahe apan walay naapektohang kinabuhi sa maong pagbuto.

Sa pagsusi sa Scene of Crime Operatives (Soco) personnel na gipangulohan ni PINSP Alfredo Rias ug EOD K9 Group 7 nga gipangunahan ni PCI John Abreu, ilang naka-recover sa mga tipaka sa granada sama sa safety lever, safety pin, fuse assembly, ubang metallic fragments.

Padayon pa ang imbestigasyon sa Mambaling police bahin sa motibo sa pagpabuto sa granada ngadto sa naasoy nga balay sa Basak San Nicolas ug kinsa ang nagpaluyo niini.