Masyador sa buwangan sa Mandaue gipusil, patay

Gisusi sa kapulisan sa dakbayan sa Mandaue ang motibo sa laing pagpamusilpatay sa usa ka masyador sa buwangan sa dakbayan.

Ang namatay dihadiha niadtong sa alas 10:40 niadtong Sabado, Enero 12, sa gabii sa D.O. Building sa dan H. Cortes, Barangay Banilad, Mandaue giilang si Crispulo Adlawan Jr., 45, taga sityo Orel, Barangay Banilad, dakbayan sa Sugbo. Si Adlawan giila nga usa ka masyador sa usa ka sabungan diha ra usab sa Banilad sa Mandaue.

Ang biktima dunay tulo ka mga samad pinusilan sa iyang lawas kinsa daling gidala sa tambalanan ang usa ka tricycle driver nga giilang si Fernando Uy, 54, minyo, taga Tipolo, Mandaue City.

Base sa pakisusi sa kapulisan, nagtan-aw sila si Adlawan ug Uy sa mga nanagduwa og billiard sa dihang kalit lang duha ka mga lalake nga nagmotorsiklo nihunong sa lugar.

Ang back-ride dali nga nikanaug, dayon pusil kang Adlawan sa makadaghang mga higayon.

Si Uy, nga duol ra kang Adlawan, naigo sa saag nga bala sa lubot ug hinuon luwas ma ang iyang kahimtang sulod sa usa ka tambalanan.

Nakuha sa sa kapulisan ang usa ka bala sa wa pa matino nga kalibre sa armas gikans a dapit sa nahitaboan sa pagpamusil..

Sa pagkakaron, gitan-aw ausab sa kapulisan kon posible ba nga adunay nakaaway kini sa pagkamasyador sa sabungan.

Apan, ang pamilya ni Adlawan nagkanayon nga way silay mahunahunaan nga nasuko sa biktima kinsa gihulagway nila nga usa ka mahigalaon sa tanan ug mahiligon kini sa m,ga manok nga gisasabong isip usa ka masyador.