Itlog ray nakalupig ni Kylie
Gibuak sa usa lang ka itlog ang record ni Kylie Jenner sa iyang “most liked” post diha sa Instagram.
Ang hulagway sa usa ka itlog gi-post sa account nga world_record_egg sa “Egg Gang” niadtong Enero 4 ang nakakuha og kapin sa 18.2 million likes base niadtong Enero 6, 2019 diin gilabwan niini ang post ni Jenner niadtong Pebrero 6, 2018.
“Let’s set a world record together and get the most liked post on Instagram.
“Beating the current world record held by Kylie Jenner (18 million)! We got this,” caption sa hulagway nga bugtong itlog ray gipakita base sa taho sa Fox News.
Kahinumduman nga ang reality TV star mi-post sa hulagway sa kamot sa iyang anak babaye nga si Stormi nga naggunit sa iyang tudlo nga miani lang og 18 million likes.
Sa dihang nasayod si Kylie nga nalupigan siya sa itlog mi-post kini og video nga nagbuak og itlog nga adunay caption: “Take that little egg.” /