P1,000 sa #SinulogMoments

Kay semana na sa Pista ni Senyor Santo Niño, hisgutan nato kining pipila ka mga ka butang nga angay di kita maulahi.

Unahon nato og hisgot kining dunay modaog og P1,000 gikan sa GCash Rewards sa #SinulogMoments. Lakip kini sa mga mabulokon ug labing abante nga Sinulog 2019 festival mobile app nga mahimo nang ma-download sa Google Play ug Playstore.

Kinsa may walay Facebook account karon? Busa, bisan kinsa pwedeng mo-post sa ilang hulagway kabahin sa Sinulog kun ilang mga Sinulog Moments.

Kon unsa man ang ilang caption, dapat i-apil ang mga hashtag #SinulogMoments ug #PagGCashNaBai. Ayaw na lang sab kalimte nga ang official hashtag sa Sinulog 2019 mao ang #Sinulog2019 ug #SInulogfortheWorld.

Sugod sa miaging Domingo hangtod sa Enero 21, mahimo nang mo-post sa #SinulogMoments photos sa ilang Facebook. Siguroang kumpleto sa mga hashtag ang caption.

Dayon ang dunay labing daghang LIKES nianang adlawa maoy modaog og P1000 gikan sa GCash Rewards.

Ang mga mananaog makahibawo o ma-notify pinaagi sa Sinulog 2019 mobile app. Busa kinahanglan kining naka-download sa maong app. Mahatag sab sila og dugang impormasyon pinaagi sa maong Sinulog 2019 app.

Sugod karong adlawa, mahimo na sab kitang mosalmot sa pagpili sa usa ka special award sa Festival Queen. Mao kini ang “App User’s Favorite Festival Queen.” Makabotar lang pinaagi sa paggamit sa Sinulog 2019 mobile app.

Mahibaw-an nato kon si kinsa ang modaog sa maong special award karong nang Biyernes anha mismo sa Cebu Sports Center.

Duna say laing special award alang sa mga contingents ug mao kini ang “App User’s Favorite Contingent.” Dayon, ang makabotar mao lang pinaagi sa paggamit sa Sinulog 2019 mobile app.

Bisan og walay signal karong Dominggo, mahimo gihapon makabotar kay ang tanang boto mo-load ra man inig balik sa signal pagka gabii.

Ang maong special award ihatag na dungan sa awarding ceremonies sa Lunes, Enero 21, 2019.

Ang gustong mopalit og mga ticket aron makatan-aw sa Grand Sinulog Parade anha sa Cebu Sports Center Grandstand mahimo sab kitang makapalit og ticket gamit ang Sinulog 2019 mobile app.

Kini, gawas sa mga impormasyon kabahin sa Sinulog, ug daghan pa ang pwede natong mabuhat pinaagi sa maong abante nga Sinulog 2019 mobile app.

Simple lang kaayo ang atong buhaton.

Moadto lang sa Google Play kon ang cellphone Android. Kon iphone ang imong unit, moadto kita sa App Store aron mo-download ug maka-install sa maong mobile app. @anol_ cebu sa Twitter