TNT Boys ‘nayabo’ sa opening sa PBA?
Gisaway sa mga Netizen ang TNT Boys tungod sa palpak nilang performance sa “Lupang Hinirang” ug “Invocation” sa opening ceremony sa 44th season sa Philippine Basketball Association (PBA).
Giingong wa magkadimao ang ilang kinantahan kay klarong di nila pamilyar ang lyrics sa Invocation ug duna pa’y napiyok ug nayabag. Naanad man gud kuno sa teleprompter.
Duna sad hinuoy nilaban nga dili sala sa mga bata kay last minute na kuno gihatag ang Invocation.
Nisaad silang Keifer Sanchez, Mackie Empuerto, ug Francis Concepcion nga ila nang tarungon sa sunod.
“We’re reading all your suggestions and we’ll be better next time! Much love.”