Salbador

Dear Noy Kulas,

Just call me Mr. Confused. Love ning akong problema ug basin duna nay pareho.

Naa koy amiga. Let us call her Annie. Five years na ming amiga ug suod kaayo. Naa siyay problema nga ako nga giproblema. Wa siya kahibawo nga sa among friendship, naka-learn na ko og love niya bisan duna siyay uyab. Wa ko magpahalata nga ako siyang love ug magselos ko sa iyang boyfriend. Open kaayo siya nako sa ilang mga secret.

Few weeks ago lang, naa siyay gitug-an nako. Mabdos siya for almost three months na. Naproblema siya kay gilikayan na siya sa iyang BF ug mahadlok siyang mahibaw-an sa iyang parents. Noy, naa koy nahuna-hunaan. Unsa kaha kon ako ang mangamahan sa iyang gibuntis. Okay ra kaha? Please tambagi ko kay love kaayo nako si Annie. Ready ako ang mag papa.

MR. CONFUSED

Mr. Confused,

Tinud-anay gyud na nga gugma kon mao man. Apan kuyaw baya kon lain ang padulngan niana, masukwahi sa imong expectation. Pananglitan mosugot siya unya ang lalake mokalit lang sa pagtumaw, mangamahan. Sure ko, ang imong amiga moadto na sa lalake kay gawas nga mao ni ang tinud-anay nga amahan, love niya until ang mao nga lalake. Di na diha-diha mawala ang gugma ana niya.

Ibutang ta nga masuko siya sa lalake, apan ang rason ma-overwhelm ra ba sa emosyon nga mao ang gugma, makaamgo siya nga nahigugma pa siya niini. Kay duna na ra bay mga kaso nga ingon nianang imoha nga nagbalik eventually ang duha.

Samtang karon naa pa na nga problema, sultihi siya sa imong pagbati ngadto niya. Sultihi usa siya unsay imong nahuna-hunaan. Kon mosugot siya maayo, apan you must also ask her nga to be frank sa imoha, kon unsay iyang feeling niya nimo. But mas maayong i-settle nila daan sa iyang boyfriend ang kanang butanga aron maklaro usab ang inyong padulngan. Kana lagi kon uyon ba usab siya nga ikaw ang mangamahan, morisgo sa imong kaugalingon.

NOY KULAS