Pacquiao puwede pa’g 4 ka away: ex-NBA star

Sukwahi sa pangagpas sa uban, ang kanhi NBA star nga si Metta World Peace nagtuo nga daghan pang away nga mahimo si Manny Pacquiao.

Naila kaniadto nga Ron Artest, si World Peace usa sa mibisita sa balay ni Pacquiao sa Los Angeles kagahapon sa hapon kinsa nanghinaot sa iyang kadaugan batok ni Adrien Broner sa ilang away karong Dominggo. Uban ni Metta World Peace ang iyang anak nga si Jeron.

Gipaniguro ni Artest nga dili si Broner ang katapusang ikaaway ni Pacquiao.

“As long as Manny would continue to move his feet and doesn’t take too much punishment, he can fight for at least four more

times,” matod ni Artest, kinsa naila sa iyang pagka physical nga style sa dinuwaan.

Gisanglitanan niya si Bernard Hopkins kinsa sa edad nga 49 nakaaway pa.