MAVS GITIPI SA WARRIORS

SuperBalita Cebu - - SUPER SPORTS -

Nagpakatap og 48 puntos nga gibuwakan og 11 ka three-point shots si Stephen Curry aron pangulohan ang makutas nga kadaugan sa defending champion Golden State Warriors batok sa host Dallas Mavericks, 119-114, kagahapon sa National Basketball Association (NBA).

Gikan sa sinugdanan hangtod sa katapusan, ang Mavericks wala nakakita og sulbad sa problemang gihatod sa kanhi back-to-back MVP ngadto kanila.

“We just couldn’t get Curry under control,” pag-angkon ni Mavericks coach Rick Carlisle.

“He was brilliant tonight.”

Ang 11 ka three-point shots ni Curry maoy labing daghan nga nahimo sa usa ka kontra sa Mavericks.

Si Curry, kinsa maoy nimugna sa katapusang pito ka puntos sa Warriors, mipasabot nga dili niya mahimo ang tanan kon wala siya tabangi sa iyang mga kauban hilabi na si Kevin Durant.

Si Durant midala sa papel nga decoy aron makadiskarte og insakto si Curry hilabi na sa krusyal nga bahin.

“That was just (Durant) taking the initiative, knowing that I had a hot hand going,” pasabot ni Curry.

“Call it a decoy in terms of him being in the action, but allowing me to work. The way they were defending us, it just made sense tonight.”

Gipasabot ni Durant nga adunay mga higayon nga dili na siya mosunod sa ilang set plays ug iyaha na lang bahugan sa bola si Curry sa matag higayon nga malibre kini.

“He had mismatches. He was making shots over everybody tonight, so why run plays? Just give him the ball,” matod ni Durant. Nitampo og 28 puntos si Durant alang sa Warriors samtang nihatag og 16 puntos si Klay Thompson.

Ang Mavericks, nga ningkombati nga wala ang ilang duha ka pambatong pointguards, gipangulohan sa ilang sinaligang rookie nga si Luka Doncic pinaagi sa iyang 26 puntos samtang nidugang og 22 puntos si Harrison Barnes.

Nakapanemaho na unta og kadaugan ang Mavericks dihang nakagukod sila ug nakaposte’g 113-108 nga labaw sa nahabiling kapin sa tulo ka mga minutos.

Apan ang laing mikuha og dakong atensiyon kagahapon mao ang pagbuntog sa Cleveland Cavaliers sa Los Angeles Lakers, 101-95.

Si Cedi Osman mipuga og 20 puntos, mikolekta og 17 si Collin Sexton aron putlon ang 12 ka sagunson nga kapildihan sa Cavaliers kinsa maoy perming nag-una sa maong panag-engkuwentro.

“Any time you go through a rebuilt process you’re going to have bumps in the road, that’s to be expected,” matod ni Cavs coach Larry Drew. “But the most important thing for this group is that they learn and there is growth. We understand where we are and who we are, and the most important thing for us right now is just to continue to grow every game we play.” Double-double usab ang nahimo ni Tristan Thompson nga may 15 puntos ug 14 ka rebounds samtang si Kyle Kuzma mipuga og 29 alang sa Lakers kansang star player nga si LeBron James, kanhi sakop sa Cavaliers, padayon nga wala pa makabalik og duwa.

Munasaginhawa usab nga gipildi sa Philadelphia Sixers ang New York Knicks, 108105; midaog ang Toronto Raptros batok sa Washington Wizards, 140-138; gipatugdong sa Milwaukee Bucks ang Atlanta Hawks, 133-114.

Gipatugpa usab sa Orlando Magic ang Houston Rockets, 116-109, samtang gitipi sa Denver Nuggets ang Portland TrailBlazers.

Newspapers in Tagalog

Newspapers from Philippines

© PressReader. All rights reserved.