LITO LAPID NO. 1 SA MGA LALAKI SA SENATORIAL SURVEY
Sa pinakauwahing Pulse Asia
survey (Enero 26 to 31, 2019), ang aktor nga si Lito Lapid ang nag-una karon sa mga lalaking nikandidato sa pagka-senador.
Ang 63-anyos nga nisikat og balik tungod sa iyang karakter sa FPJ’s Ang Probinsyano nakakuha og 53.0% (No. 3-6 rank).
Ang laing aktor nga si Bong Revilla pasok usab sa No. 12 nga dunay 40.2% (No. 8-15 rank).
Grabe sad ang pagsaka sa ranking ni Bong Go, kansang lifestory gihatagan og kinabuhi ni Joseph Marco sa “Maalaala Mo Kaya” niadtong Sabado, ang nakasud sa Magic 12 sa unang higayon.
Si Bong Go nisaka gikan sa No. 14-16 bracket niadtong December ngadto sa No. 6-12 rank nga dunay 44.7%.
Apan ang singer nga si Freddie Aguilar nangiwit sa iyang 8.8% (No. 19-23 rank).
Sa gihapon nag-una sa Top 3 ang mga babaye nga silang Grace Poe, 74.9%; Cynthia Villar, 60.5%; ug Pia Cayetano, 53.3%. /