Airconditioned buses sa CSBT wa magkuwang: Joy Tumulak

Kakuwang sa mga airconconditioned bus sa Cebu South Bus Terminal (CSBT) sulod sa duha ka adlaw ug wala makaapekto sa operasyon sa pasilidad ang paghire sa ubang aircon buses sa mga atleta sa Sugbo ngadto sa dakbayan sa Dumaguete.

Mao kini ang gibutyag ni Joy Tumulak, CSBT operations manager.

Matod ni Tumulak, normal ang sitwasyon bisan og 43 ka mga bus ang wala makatama sa terminal niadtong Huwebes ug laing kapin sa 20 kagahapong adlawa, tungod sa paghatod sa mga atleta sa Sugbo ngadto sa Central Visayas Regional Athletic Association (CVIRAA) sa Dumaguetey.

Dugang ni Tumulak, nakatabang ang una o sayo niyang pagpahibalo labot sa kakuwang sa mga aircon

bus unit ug ang mga nasinating pag-ulan hinungdan nga wala sab kaayo’y pasahero sa terminal.

Dugang niya nga ang mga bus nga wala nakatama sa terminal kadto man lang sab nga iya sa Vallacar Transit o Ceres ug naa ang ubang units sa bus ug mini-bus companies.

Anaa ra usab ang mga

non-aircon bus sa Ceres, dason niya.

Human unya makahatod sa mga atleta ngadto sa Dumaguete City, gipaniguro sa Ceres nga mamalik gilayon sa Sugbo ang ilang mga unit aron paghakot sa mga pasahero sa CSBT nga posibleng matanggong karong adlawa, tungod kay payday weekend.

Gipaabot nga daghang manguli sa probinsiya alang sa nangulahi nga pagsaulog sa Adlaw sa Kasingkasing o Valentines Day uban sa ilang minahal sa kinabuhi.