Slogans sa lokal nga mga kandidato
Gitambagan sa iyang pamilya nga mopahulay sa politika apan gipili ang pagpadayon. Midagan pagka-konsehal sa south district si kanhi Kongresista Tony Cuenco sa tumong nga makatabang pagsulbad sa mga lokal nga problema sama sa trapiko, drainage, basura ug pagawhag sa mga ginikanan nga ang mga anak dili mahaylo sa drugas.
Padayon ang kawsa nga “Cuenco Nagpangga Kaninyo”. Siya kanhi radio-tv broadcaster/commentator. Beterano sa kongreso sulod sa 25 ka tuig nga isip abogado maoy nagpanday sa Local Government Code, Dangeroous Drugs Act, Baseline Law, Anti-Terrorism Bill ug daghan pa nga napahimuslan sa nasod. Representante sa habagatang distrito nga maoy responsabli sa katukoran sa multi-purpose buildings, day care centers, hospital, seawalls, roads, bridges, public markets, flood control, drainage ug water supply. Mga programa ug serbisyo sama sa mga ekipos, elektrisidad, motor vehicles, firetrucks, ambulansya, scholarships, skills development ug financial assistance.
Napiling Outstanding Congressman sa tulo ka higayon, Secretary-General sa Asean Parliamentary Assembly, Political Affairs Minister ug Rotarian. Nakigbisog batok sa diktadoriya ni Pres. Ferdinand Marcos gipriso sa tulo ka higayon. Siya apo ni Sen. Mariano Cuenco ug anak ni Gov. Manuel Cuenco.
Lainlaing slogan ang gipagawas nga maoy tamdanan sa ilang panerbisyo. “Tatak Gugma Espina” ni Konsehal Eric Espina, anak sa kanhi gobernador ug senador nga si Rene Espina nga walay tatsa sa pangalagad. Iyang prayoridad ang duha ka mga publikong kolehiyo, duha ka ospital ug duha ka evacuation centers. “Walay Kulba” ni Konsehal Jun Alcover. “Panday ni Konsehal Joel Garganera. Konsehal Ernest Herrera “Sa Masa”. “Tatak Manlalaban” ni Konsehal Raymond Garcia. “Lantip, Hait, Lig-on” kang Edgar Labella. “Type O” ni Tomas Osmeña. “Gwapo” kang Mike Rama nga giunhan sa mga dagkong tarpaulin ni Mary Ann delos Santos.
Dunay kutob lang sa slogan apan wala matuman ang “Kalamboan sa Matag Sugbuanon” nila ni Junjun Davide ug Agnes Magpale diin wala matagamtami kay kutob lang sa sulti walay agi ug hapaw ang gisaad nga serbisyong tinud-anay. Lahi kang Gwen Garcia nga “Ang Buhat Maoy Pasulti-on Dili Ang Sulti Maoy Pabuhaton”. “Padayon Jud Tirsero” ni Rep. Pablo John Garcia. Battlecry ni Nelson Garcia “Kausaban Diha sa Kalamboan sa Septimo”.
Sa mga senador: “Go for Bong Go”. “Keri Yan-Imee Solusyon ni Imee Marcos. “I Love You Bong” ni Bong Revilla nga ginuntan sa pagpangayog pasaylo nga nababagan ang iserbisyo sa dihang gisagpa og kasong plunder.