Katy Perry ug Orlando Bloom engaged na
Gianunsyo sa singer nga si Katy Perry, 34, sa iyang Instagram niadtong mismong Valentine’s Day nga engaged na siya sa iyang boyfriend, ang sikat nga Hollywood actor nga si Orlando Bloom, 42. Gipaambit sa pop star ang litrato nila ni Bloom diin iyang gipakita ang dakong singsing ug dunay caption nga, “Full bloom.” Si Bloom nag-post sad og susamang litrato nga dunay caption nga, “Lifetimes.” Ang ilang engagement gikumpirmar sa mommy ni Perry sa Facebook.
Si Perry ug Bloom nagsugod og date niadtong 2016. Pareho silang nakasal sa lain niadto ug nag-divorced: si Perry kang Russell Brand, ug si Bloom kang Miranda Kerr. /