Lalake gi-ambush sa Pit-os, patay

Usa ka lalake ang gibanhigan-patay sa upat ka mga armadong tawo sa Upper Centro, Barangay Pit-os, dakbayan sa Sugbo kagahapon, Pebrero 17.

Si Chief Insp. Elizando Quijano, hepe sa Talamban police, niila sa biktima nga si Joselito Junio, hamtong na, kinsa nagsakay sa iyang sakyanan padulong sa sentro sa dakbayan, gibanhigan sa mga lalake nga nagsakay og duha ka mga motorsiklo.

Ang alarma nadawat alas 3:45 sa hapon dihang usa ka barangay tanod nangayo og abag sa kapulisan.

Apan ang biktima namatay dihadiha tungod sa samad-pinusilan sa ulo ug likod, matod sa hepe.

Nakuha gikan sa dapit ang mga kabhang sa bala sa armas ug nagpadayon pa ilang imbestigasyon sa kaso.