Miss Teen CCCS 2019 winners
Ang Grade 7 student nga si Helen Yangyang maoy miguwa nga mananaog sa gipahigayon nga Miss Teen CCCS (Cordova Catholic Cooperative School) niadtong Pebrero 15 sa gabii.
Dili kini maoy una niyang ng higayon sa pagsalmot sa pageant kay sa miaging tuig misuway siya sa Miss Silka Cebu og nakasulod sa Top 7.
“It’s my dream to join pageants… I want to prove to those who think I can’t do it but I can do it and I’m capable of doing it,” tipik sa pamahayag sa Filipina-German beauty sa pangutana kon mosalmot siya sa mga dagkong nga beauty contest. Miluta ang kaanyag ni Helen sa iyang white haltered gown nga adunay floral applique sa luyo uban sa laing 23 ka mga kanditata nga mi-showcase sa ilang charm, wit ug confidence nga gipahigayon sa Cordova Sports and Cultural Center, Barangay Poblacion, lungsod sa Cordova, Cebu.
Atol sa Q&A gi-emphasize sa 15 anyos nga winner nga dako og natampo ang CCCS sa paghulma kaniya nga mamahimong Christ centered ingon ug ang pagkamahigugmaon ngadto sa Labawng Makagagahom.
Gawas sa titulo nakuha sab ni Helen ang special awards nga Best in Production Costume, Fun Wear, Gown, Ms. Teen Magnolia ug Ms. Alumni Choice Award.
Samtang ang ubang midaog naglangkob nila ni Robee Ella Bustillo – 1st runner up, Laura Gonsch -2nd, Hershey Yap – 3rd ug Angel Mae Patalinghug – 4th runner-up.
Si Cordova Mayor Mary Therese Sitoy – Cho maoy mikorona sa Ms. Teen CCCS 2019 winner inabagan sa Cordova Parish Priest ug CCCS School Director nga si Rev. Fr. Samuel Patriarcha, MSC ug nahimo malampuson ang event ubos sa pagdumala ni Jessie Nuñez, program director.
Ang maong kalihokan usa sa highlights sa pagsaulog sa ilang 52 nga anibersaryo sa CCCS Foundation Day ubos sa tema nga: A celebration of Faith, Giftedness, Empowerment and Proclamation of God’s Love.