Laing lalake gipusil, patay

Nakapalagang patay nga wala mailhing lalake sa Sitio Mananga, Brgy. Tabunok, dakbayan sa Talisay, alas 3:00 sa kaadlawon niadtong Lunes, Pebrero 18.

Nakadawat og tawag ang kapolisan sa Talisay gikan sa usa ka concerned citizen kabahin sa ilang nakit ang patay.

Dali kining girespondihan ni PO3 Glenn Besande ug PO1 Milfred Labitad ang maong giingon na lugar.

Basi sa inisyal na imbestigasyon na gihimo sa kapolisan sa Talisay aduna silay nakuha na impormasyon sa mga molupyo sa maong lugar na sa maong oras aduna silay nadungog na tulo ka buto apan wala kabalo kong usa kadto.

Pasado alas 5:00 sa buntag, niabot ang Emergency Medical Service (EMS) apan ang biktima patayna.

Dugang pa, ang Scene of The Crime Operatives (SOCO) adunay nakita sa crime scene nga usa ka pakiting gituohang shabu ug nakabutang kini sa kamot sa biktima.

/ ALAN TANGCAWAN ■ BUSY NGA DALAN: Ang Mindanao Avenue sa Cebu Business Park sa Cebu City paingon o gikan sa Hipodromo maoy usa sa mga busy nga dalan sa dakbayan labi na sa sayong gabii sa makita sa hulagway.