Away sa gidiling drugas motibo sa pagpatay?

Away sa negusyo sa gidiling drugas ang motibo sa pagbanhig-patay sa 26 anyos nga lalake sa Barangay Pit-o, siyudad sa Sugbo niadtong Dominggo sa hapon, Pebrero 17.

Nasuta nga nalakip kini sa drug personalities nga nag lihok sa Catbalogan, Eastern Samar ug tawo sa usa ka politiko nga naa sa drug watchlist ni Presidente Rodrigo Duterte

Matod ni Sr. Supt. Royina Garma, hepe sa Cebu City Police Office (CCPO), nga sigun sa ilang nakuha nga kasayuran gikan sa ilang counterpart sa Samar nga duha ngadto sa tulo ka semana pa dinhi sa syudad si Joselito Hunyo

Nagpuyo kini sa usa ka subdivision sa Pit-os apan giingong nalambigit na sa pagpamaligya sa ilegal nga drugas diin ang iyang source gikan sa probinsya sa Samar

Usa sa ilang pagtuo nga away gyud sa ilegal nga drugas tungod sa posibilidad nga ang mga drug player dinhi sa syudad sa sugbo nangasauko nga naabot kinig pamaligya

Dili na bag-o kang Garma nga adunay mga bagong drug player sa siyudad tungod kay ang mga inila nga mga drug pusher dinhi namalhin nag lugar

Ning mga bag-ong nadakop, nasuta nga kasagaran sa mga nangadakpan wala malakip sa ilang listahan ug giila kini nga mga new player.

Samtang, si Chief Supt. Debold Sinas, direktor sa POlice Regional Office (PRO) 7, nitug-an sakop sa usa ka politiko sa Samar si Hunyo nga giingong naa sa listahan ni Duterte apan wala siya mo hingan kung si kinsa kini

Nagduda usab si Sinas nga kadtong P13.6 milyon nga gituohang shabu nga nakuha sa Pardo police station adunay koneksyon sa 7 kilos nga nakuha sa syudad sa Mndaue tungod sa susama kinig kolor sa putos.