Priniriso maoy nakaluwas
Grupo sa mga inmate didto sa New Port Richey, Florida maoy nakaluwas niadtong usa ka tuig nga bata nga nalock sud sa sakyanan.
Naglisod ang mga pulis sa pagligwat sa electronic lock sa SUV nga gimaneho ni Shadow Lantry inahan sa bata.
Atol nga adunay grupo sa mga binilanggo nga dad-unon sa korte nga gi-escortan sa mga pulis nga mirespondi sa alarma ang mitabang sa pag-abli sa sakyanan, taho sa Fox News.
Gamit ang taas nga alambre malampuson nga nakuot sa mga binilanggo ug dali nga naabli ang pultahan sa SUV ug wa maka-angkon og kadaot ang sakyanan.
Dili ba kaha sakop sa ‘bukas kotse’ gang ang maong mga priniriso? Apan ang labing importante naluwas ang bata. /