GI-AMBUSH, PATAY ANG BANA NI MENCHU LAUCHENGCOYULO
Hangtod karon wa pa’y lead kon unsa ug kinsa ang namanhig sa mister sa theater actress Menchu Lauchengco-Yulo.
Si Jose Luis “Sel” Yulo, 63, ug ang driver niining si Nomer Santos, 51, nagsakay og van dihang kalit silang girakrakan sa duha ka nag-motor nga gunmen sa may Edsa sa Mandaluyong City, niadtong Dominggo, February 17. Gideklarar silang dead on
arrival samtang nagpaalim sa samad ang lain nilang kaubang babaye.
Sigon sa Pep.ph nga ang Mandaluyong police nihulagway ni Jose Luis nga daghan og negosyo ug maoy ilang gitutokan karon.
Si Jose Luis sad kuno ang tag-iya sa premium auto repair
shop sa may Edsa nga nasunog gahapon, February 18.
Si Menchu Lauchengco-Yulo igsuon sa singer-actor nga si Raymond Lauchengco. Lakip sa iyang mga pelikula “Ang Larawan” ug ang musical nga “Ang Huling El Bimbo.” /