Globe mitaho sa kinatibuk-an nga kita sa 2019

Ang Globe nigasto og P43.3 billion o dul-an sa $821 million capital expenditures (capex) sa 2018 sa pagtubag sa iyang kusog nga pagtubo sa data traffic ug pagsuporta sa nagkadako nga customer base uban sa paghingpit sa LTE rollout.

Nikabat og 77% sa total capex sa 2018 ang nagahin sa data-related services, ang tanan gitumong sa pagtubag sa demanda sa mga kustomer alang sa dugang bandwidth-intensive content.

Subay sa padayong pagpalapad sa kompaniya ug pagpalambo sa iyang data network, ang hingpit nga 2019 cash capex gipaabot nga moabot og P63.0 billion o gibanabana nga $1.2 billion.

Ang mobile subscribers mokabat na og 74.1 million base sa pagtapos sa Disyembre 2018, diin mao ang bag-ong baseline nga maapektohan sa regulatory requirement nga mag-apil sa prepaid load validity ngadto sa usa ka (1) tuig bisan pilay kantidad.

Ang total home broadband subscriber base nitubo og 24% gikan sa miaging tuig ug karon naa sa kapin sa 1.6 million, diin ang 61% niini ang home wireless subscribers.

Sa post-PFRS basis, ang Globe nitapos sa 2018 sa consolidated service revenues nga P132.9 billion. Gawas niini ang PFRS 15 adjustments, nisumada sa consolidated service revenues nga P140.2 billion, ngadto sa 10% year-on-year.