Simbahan sa Paris dasok kasaysayan sa

Di ikalimod nga ang Paris

capital sa nasud sa France usa sa mga labing nindot nga destinasyon sa tibuok kalibutan.

Kini maoy giisip nga sentro sa natad sa arts, fashion, kultura ingon man sa lamiang pagkaon.

Gawas niini, dinhi sab nimo makit-an ang mga nabantog nga museo sama sa Louvre Museum diin nahimutang ang sikat nga Mona Lisa painting ni Leonardo da Vinci, ang sikat nga architectural wonder nga Eiffel Tower ug uban pa.

Sa maong dapit sab nimo makit-an ang mga gradioso nga simbahan nga natukod sukad pa niadtong 13th

century sama sa Notre Dame Cathedral ug Sacre Coeur nahimutang sa distrito sa Montmartre sa Paris. Niadtong Disyembre, gisuroy sa Superbalita Cebu ang Notre Dame ug Sacre Coeur (Sacred Heart Basilica) atol mismo sa kasaulogan sa Pasko ug dinhi nasuta ning tigsuwat nganong linyahan gyud sa mga turista ug mga katoliko ang duha ka mga simbahan.

Notre Dame de Paris Cathedral

Ang Notre Dame maoy giila nga labing nindot ug kinasikatan nga gothic-style cathedral sa tibuok kalibutan.

Natukod ang cathedral niadtong 1163 ug bisan nahuman sa sayong bahin sa 1200s padayon gihapon kining gitrabaho ug gipanindot sa mga nisunod nga siglo.

Sa gawas palang sa Cathedral makita ang mga maanindot nga sculptures diha pa lang sa ibabaw nga bahin sa pultahan niini.

Ang tungang pultahan gitawag og Judgment Doorway, samtang St. Anne Doorway ang naa sa tuo ug Virgin Mary ang sa wala nga bahin. Sa pagsulod nimo sa cathedral, lingawon na ang imong mga mata ilabi na sa mga stained-glass arts, paintings,

sculptures ug ubang mga obra nga nakapalahi sa maong

cathedral sa uban.

Sa imong pagsulod, sugaton na kang daan sa Great Bronze CrucifixI. Tanang makita nimo sulod sa

cathedral adunay mga kahulugan ug importansya sa kasaysayan di lang sa maong simbahan apan lakip na sa dakbayan. Sama nalang Pieta sculpture, Cross of the Glory ni Marc Couturier nga makit-an nimo mismo sa altar, mga

choir stalls, Statue of the Virgin, ang Chapel of the Knights of the Holy Sepulchre luyo sa

altar, Blessed Sacrament

Chapel ug uban pa.

Ilawom sab sa cathedral

mao ang mga lawas sa mga namatay nga mga opisyal sa simbahan kaniadto. Sacré-Coeur Basilica

Lahi sa Notre Dame, ang Sacré-Coeur Basilica usa ka Romano-Byzantine style nga gidisenyo ni Paul Abadie. Gisugdan kini og tukod niadtong 1875 ug nahuman niadtong 1914.

Ang nakanindot sa maong basilica mao nga kini nagtungtung sa kinatumyang bahin sa Montmartre area, ang pinakataas nga bahin sa dakbayan.

Ang maong simbahan gikatahong gihalad ngadto sa Sacret Heart of Jesus sa Paris.

Kini maoy ikaduhang most-visited nga monumento sa Paris. /

■ SACRE-COEUR BASILICA: Naila sab nga Basilica of the Sacred Heart of Jesus ikaduha nga dagsaan sa mga turista nga nahimutang sa bungtod sa Montmartre. Ang atubangan bahin sa Sacré-Coeur Basilica adunay mga estatuwa ni King Saint Louis ug Saint Joan of Arc.

■ SUPERBALITA SA PARIS: Gitagbaw niining writer nga si John Paul Pepito ang paglibot sa makasaysayanon ug inila nga Notre Dame Cathedral sa Paris, France.

■ MEDIEVAL CATHEDRAL: Ang Notre-Dame de Paris gi-ila nga finest examples sa French Gothic architectural style ug dagsaan sa mga turista.

■ HIGANTENG HALIGI SA NOTRE-DAME: Gisugdan ang maong establisemento sa pagtukod niadtong tuig 1163.

FRANCE ■ STAINEDGLASS WINDOW: Biblical characters makita sa stainedglass window sa Notre-Dame diin gihi-usa ang pagka-grandioso ug delicate nga desinyo niini. PHILIPPINES