Cell number

Gawas niadtong gustong magtago sa ilang kaugalingon ug magpalit og daghang simpack aron di mahibaw-an, ang kadaghanan di gustong mag-ilis-ilis og numero sa ilang cellphone.

Unya, lain-lain pa gyud ang mga numero sa cellphone sa nagkadaiyang mga telecommunications company. Busa maglabad ang imong ulo kon ikaw ang tawgan.

Tungod niini, gamiton pa ang lain-laing numero sa cellphone sa pagpanghulga. Hulgaon ka nga patyon. Hulgaon ka nga kidnapon. Ang kuyaw kadtong mga lalake nga minyo unya moingon ang asawa nga hatagan ang kidnaper og usa ka milyon basta di lang iuli ang iyang bana.

Karon ang imong numero sa cellphone mahimo na nga maimo hangtod sa hangtod. Bisan unsa pa ang imong telecommunications carrier.

Nunot kini sa pagpirma ni Presidente Rodrigo Duterte sa Republic Act No. 11202 niadtong Pebrero 8. Mao kini ang gitawag nga. Mobile Number Portability Act of 2019.

Ubos ning maong balaod di mahiktan sa usa ka telecommunications company. Kon mobalhin ka og carrier mao man gihapon ang imong numero.

Apan di kini maayo sa mga playboy. Kay sayon kaayo silang ma trace up kay wa man mausab ang ilang number. Labi na kon dunay GPS.

Matultilan kon hain magluklok. Ang nakanindot niini kay di na ka magsigig memorize sa numero sa imong cellphone.

Usa ka numero sa cellphone hangtod sa hangtod. Di na maglabad ang imong ulo. Pero kon makasala ka sayon ra kaayo kang signiton.

Karon ang imong numero sa cellphone mahimo na nga maimo hangtod sa hangtod. Bisan unsa pa ang imong telecommunications carrier. Nunot kini sa pagpirma ni Presidente Rodrigo Duterte sa Republic Act No. 11202 niadtong Pebrerol 8. Mao kini ang gitawag nga. Mobile Number Portability Act of 2019.