SHARKS SIGURO SA PLAYOFFS: COACH

Bisan pa man sa ilang kapildihan sa Zamboanga-Family’s Brand Sardines, 58-61, sa niagi nilang duwa, sa gihapon nakasiguro na og luna alang sa playoffs ang Cebu City Sharks sa Maharlika Pilipinas Basketball League (MPBL) Datu Cup. Kini maoy gibutyag ni coach Norberto “Titing” Manalili kagahapon sa dihang gikahinabi sa Superbalita. “Regardless kon unsay resulta sa atong last game sa elimination, we are already assured of the playoff slot.

Pinakaubos siguro nato ang

no. 8,” matod ni Manalili. “Magdepende lang sab ni sa resulta sa ubang bearing games nga makapausab sa rankings.”

Gibutyag ni Manalili nga sa kasamtangan anaa gihapon sa ikaunom nga puwesto ang Sharks nga may 11-13 nga baraha sa South Division.

Ang Zamboanga nahiluna sa ikapito (10-12) samtang nameligro sa ikawalong lugar ang Laguna Heroes (10-15) kinsa wala nay duwa sa elimination.

Sikit nga nagsunod sa Laguna ang Imus Bandera nga may 9-13 nga baraha ug aduna pa kini tulo ka duwa nga nahabilin.

Sa Pebrero 28, ikasangka sa Cebu City ang Quezon City didto sa Bataan sa ilang katapusang duwa sa dili pa sugdan ang sunod round.

Sa playoffs, ang matag divisions mosunod sa format diin ang no.1 team maoy makigsangka sa no. 8; no. 2 batok no. 7; no. 3 batok no. 6 ug ang no. 4 moparang usab sa no. 5.

Isip incentives, ang top four maoy makaangkon sa homecourt advantage sa best-ofthree playoffs nga sugdan sa Marso 11.