WARRIORS NAKAIPSOT SA KINGS
Nagpauwan og 10 ka threepoint shots si Stephen Curry aron agakon ang host Golden State Warriors sa makutas nga kadaugan batok sa Sacramento Kings, 125-123, kagahapon sa pagbalik sa mga aksyon sa NBA gikan sa All-Star break.
Sa kinatibuk-an, ang kanhi two-time MVP nga si Curry nipupo’g 36 puntos gikan sa 12-0f-23 field goal ug 10-of-16 three-point shooting.
Si Kevin Durant nidugang og 28 puntos, siyam ka rebounds ug career-high nga pito ka blocks shots alang sa defending champions.
Gawas nga naabagan niya’g insakto si Curry sa opensa, si Durant miwadwad sab og maayo sa depensa.
“Kevin was tremendous in every aspect, the energy, the cutting, the aggressiveness,” batbat ni Golden State coach Steve Kerr.
“Defensively he was all over the place. He was really on his game tonight in every way.”
Si DeMarcus Cousins, kinsa kanhi magduduwa sa Kings, nitampo og 17 puntos ug 10 ka
rebounds alang sa Warriors. Ang Warriors nakamaneho na’g klaro sa kadaugan dihang
nakaposte sila og unom ka mga puntos nga labaw, 123-117, sa nahabiling 24 segundos.
Apan sa wala damha, nakasikit pagbalik ang Kings, 123125, sa nahabiling 10 ka mga segundos pinaagi sa duha ka sunodsunod nga three-point shots ni Buddy Hield.
Sa return play, nasipyat si Warriors small forward Andre Iguodala sa iyang duha ka
freethrows ug nakuha sa sinaligan sa Kings nga si Marvin Bagley III ang rebound ug dayong tawag og timeout sa nahabiling 7.4 segundos.
Gikan sa timeout, nasipyat si Hield sa iyang jumper unya nakuha ni Durant ang
rebound hinungdan nga nakaipsot ang Warriors dala ang kadaugan. “They’re tough to guard,”
paghulagway ni Kerr sa nagkalig-ong puwersa sa Kings.
“Down the stretch it felt like they got every offensive board. We had to get some big contributions late from Steph and KD, some big baskets from Klay, just to squeak it out.”
Ang Kings gipangulohan ni Bagley pinaagi sa iyang 28 puntos ug 14 rebounds, nihatag og 19 puntos si Hield sam-
tang niamot og 18 puntos si De’Aaron Fox.
Nagkanayon si Bagley nga grabe iyang kayod tungod kay gusto siyang makabawos sa Warriors, nga nagpukan kanila sulod na sa upat ka mga
higayon ning maong season. “I just want to beat them really bad,” matod ni Bagley III.
“I hate losing to them. We come up close every single time. We have to figure out how to get over that hump.”