Unsa ang Surrogacy Pregnancy?
Daghan sa mga Pinoy ang nakurat dihang gi-welcome ni “Rated K” host Korina Sanchez, 54 anyos, niadtong Huwebes ang kaluha nilang anak ni Mar Roxas, 61. Ang higala sa magtiayon nga si DZMM host Pat Daza nikumpirmar atol sa iyang DZMM radio program nga “Teka Muna” niadtong Biyernes nga ang twin babies ni Korina ug Mar natawo pinaagi sa gestational surrogacy.
Unsa ning gestational surrogacy?
Matod sa ABS-CBN News nga base sa Surrogate.com mao ni common type karon sa surrogacy. “The embryo is created via in vitro fertilization using the eggs and the sperm of the intended parents and donors, and is then transferred to the surrogate.”
Sa ato pa bisan wa moagi sa sabakan ni Korina ang mga bata apan “biologically related” gihapon kay ang binhi gikan man sa magtiayong Roxas apan lain lang ang nagbuntis para nila.
Mao sad ni gihimo sa magtiayong Vicki Belo ug Hayden Kho nga bisan 63 anyos na si Dra. Belo nakabaton gihapon og anak pinaagi sa gestational surrogacy.
Ang Surrogate.com nihula way sa gestational surrogacy nga “least legally complicated form of surrogacy because the baby is not related to the gestational carrier.” Pila say magasto ani? Matod sa maong website nga magduwa kuno sa $75,000 to $150,000, o P3.9 million to P7.8 million sa atong kuwarta. Ang gastohan naglakip sa bayad nimo sa surrogate mother ug ingon man sa iyang medical expenses, lawyer’s fees, agency fees, ug uban pa. /