As long as he needs me
Gihapuhap ni Jonathan ang akong ulo. Iya kong gipasandig sa iyang dughan. Nabatyagan ko ang iyang pagmahal nako. Apan morag gikulbaan ko kay wa siya motubag sa akong gipangutana niya.
“Kining, Jon, dugay na man gyud ta, no, ug kadaghan ko na itugyan nimo ang akong tanan. It means nga love gyud tika. So, kanus-a man ko nimo pakasli?”
Nangutana kog usab sa akong boyfriend. Iyang gipislit ang akong aping ug gihagkan niyag kadyot ang akong lips.
“I know nga love gyud ko nimo, Karell, and you know, too, nga gimahal ta gyud ka. Pero don’t forget nga parehas pa tang nag-eskuwela. Andam na ba ta sa labing seryusong relationship? Nga kon magminyo ta karong panahona makabarog na gyud kaha ta sa atong tulubagon isip magtiayon ug mga ginikanan kay makabaton man gyud tag anak in the future?”
Nahilom ko. Na, gikulbaan na gyud nuon ko pag-ayo sa giingon ni Jonathan. Husto siya. Morag di pa gyud tuod mi andam sa pagminyo kay gawas nga mga batan-on pa mi, wa pa gyud mi mga trabaho kay mga estudyante pa lagi.
Nakapangawot na lang ko sa akong ulo ug mibawos kog pislit sa lamurok nga aping sa akong boyfriend.
“Bitaw, no?” Nahikatawa ko ug mikatawa sab si Jonathan. Iya kong gipahigda ug iyang gihagkan ang akong lips. Dugay gyud. Ug nakalit-ad ko ug nakapiyong kay ang iyang kamot nagpanghinol sa bisan asang dapit sa akong lawas. Nakakabyon ko sa iyang liog.
Malipayon mi si Jonathan nga nanggawas sa motel. Nagkuptanay mi sa kamot nga misakay sa iyang sports car. Wa dayon ko ihatod ni Jonathan sa akong gipuy-an kay nangaon pa mi sa downtown.
Nagkusmod si Olga sa akong pag-abot sa boarding house. Gabii na niadtong tungora. “Wa pa diay ka matu’og?” Nag-ilis ko og para sa balay. “Gihuwat tika. You know, concern gyud kaayo ko nimo. Kon wa pa lang tika isipa as my best friend, na, di ko manghilabot sa imong kinabuhi, uy.”
Giduol ko si Olga nga nagsandig sa headboard sa iyang kama. Mitapad ko niya. Gisudlay-sudlay ko sa akong mga tudlo ang boycut niyang buhok. Usahay maghunahuna ko nga tomboy tingali si Olga ug nakagusto nako. (SUMPAYAN)